Mandulinata A Napule Lyrics

Canzoni Napoletane

Non-album songs

Lyrics to Mandulinata A Napule
Mandulinata A Napule Video:
(E. MUROLO - TAGLIAFERRO)

Sera d'estáte! Pusilleco lucente
canta canzone e addora d'erba 'e mare...
Voglio 'e pparole cchiù d'ammore ardente,
voglio 'e pparole cchiù gentile e care
pe' dí "te voglio bene" a chi mme sente.

Ma d' 'e pparole cchiù carnale e doce,
ne sceglio sulo tre: "Te voglio bene..."
Bella, 'int' 'o core tujo sacc'io chi tiene...
chi sta int' 'o core mio saje pure tu...

P' 'o mare 'e Napule
quant'armunia!
Saglie 'ncielo e, 'ncielo, sentono,
tutt' 'e stelle, 'a voce mia:
voce, ca tènnere,
st'ammore fa.
Notte d'estáte! Se só' addurmute 'e ccase...
e 'o cielo, a mare, nu scenario ha stiso!
Staje 'mbracci'a me, 'nnucente só' sti vase...
Bella, stanotte, te só frato e sposo...
Stanotte, Ammore e Dio, sóngo una cosa...
Canta: e da 'o suonno Napule se sceta...
ridono 'e vvocche ca se só vasate...
tutt' 'e suspire 'e tutt' 'e 'nnammurate,
suspirano, stanotte, attuorno a te...

P' 'o mare 'e Napule......
Songwriters:
Publisher:
Powered by LyricFind