Gotovo Je, Gotovo Je Lyrics

Sve delic'je svita još ka mlad san kuša,
Korteđava šesne, mlade šinjorine,
Nima teg bufeta di ja nisan uša,
Isprovava uvik najboje kužine.

Cukero de orzo život mi je bija,
Fermava se nisan do u sitne ure,
Nima tega vina koje nisan pija,
Škivava san samo posal i doture.

Ma doša je vrag po svoje,
Gotovo je, gotovo je,
Skršila me pusta dijeta,
Pušin po po španjuleta.
Ma doša je vrag po svoje,
Tradilo me srce moje,
Pijen mliko i dekote,
Zbogon, lipi moj živote.

Sve likare svita potom ja san proša,
Štucigava sestre, arči medicine,
Nima tega mista di ja nisan poša
Da mi škapulaju to bokun bekine.

Inferno di Dante život mi je posta,
Zaspat nisan moga, bi san vanka škvare,
Napi san se vina i reka san "dosta",
I posla san k vragu život i likare.

Neka dođe vrag po svoje,
Gotovo je, gotovo je.
Štufalo me stat na dijeti,
Pušin po sto španjuleti.
Neka dođe vrag po svoje,
Neka škripje srce moje.
Pijem vino, jo divote,
Pa dok traje, moj živote !
Neka dođe vrag po svoje,
Neka škripje srce moje.
Pijem vino, jo divote,
Pa dok traje, moj živote !
Neka dođe vrag po svoje,
Neka škripje srce moje.
Pijem vino, jo divote,
Pa dok traje, moj živote !
Neka dođe vrag po svoje...