Erstens Zwöitens Drittens Lyrics

I lande geng i Situatione, weis nid wi ig das immer schaffe, das i wie hüt zum Bispiel wider mal amne frömde Ort erwache. Näbe mir e frömdi Frou wo zwar nid würklech übel usgseht, wo blondi Haar und süsch so zimlech nümme a sech an het. E so wi i - gloub i - weis si nid würklech was passiert isch. Si luegt mi ah, so hilfloos wine Fisch ufem Serviertisch. Wo bini hie? Was machi da? Wiso träit sech alls im kreis? Lueg Meitschi, es git frage wo o i ke Antwort weis! Erstens bini hie nid deheime, Zwöitens weisi nid, wiso das so isch, Drittens hani weder e Ahnig, no hani Viertens e Idee, wär du bisch. I cha dir da nid witer hälfe, mir fählt es chliises Stück a dere Stell... Guet du seisch jetz, was chlagt dä Typ es git doch schlimmers als so Sache, i gibe zue, das hani o, ganz churz nachem Erwache. Aber paar Sekunde später chunnt e Spinner i das Zimmer. I frage: "Wär bisch du de?" U är seit: "Rueh! Machs nid no schlimmer!" Sini Fründin lig bi mir im Bett jetz sig i drann mit erkläre. Wenn nid, de mach är Sache wo mir z'Ässe chönnt erschwähre. När bini gflohe, gflüchtet, splitternackt ir Gägend umegsprunge, bis i am Ändi vo re länge Strass es Gartehuus ha gfunde. I ha klopfet, d'Tüür isch uf, was i ha gseh, wirsch du nid gloube: 15 splitternackti Type mit emne Funkle i de Ouge u si säge Erstens bisch du hie nid deheime, Zwöitens weisch du nid, wiso das so isch, Drittens heimr weder e Ahnig, no heimr Viertens e Idee, wär du bisch. Aber chum doch erscht mal ine, mir wüsse de scho, was mir mit dir tüe. Zum Glück bini hie nid deheime, u drum macheni die Tür wider züe!