D´r Schötzekünning Lyrics

D´r Schötzekünning (Irjendwann in mingem Levve) Irjendwann in mingem Levve weed ich Schötzekünning sin dann jet dat Ding eren, un die Mösch, die fällt vum Pinn un mie Trautsche, dat weed dann die Königin irjendwann do weed ich Schötzekünning sin. En d´r Schützenbruderschaft St. Antonius, ben ich schon zick 30 Johr, jonn och nit mieh rus. Wor Kassierer, Brudermeister, han e schön Jewehr och em Suffe ben ich jot, denn dat fällt mir nit schwer. Doch eins, dat ess jetz klor, dä Draum dä weed bal wohr. Man wat han ich schon jeknallt, op die kleine Schief un wie soh die noher us, wie d´r Mamm ihr Riev han jedrage die schwer Fahn, wor jranatevoll, han jeblose dann die Trööt, en Dur un och en Moll. Doch eins, dat ess jetz klor, dä Draum dä weed bal wohr