Beata Viscera Lyrics

Beata viscera Beata viscera Marie virginis, Cuius ad ubera Rex magni nominis; Veste sub altera Vim celans numinis Dictavit federa Dei et hominis. O mira novitas Et novum gaudium, Matris integritas Post puerperium. Legis mosayce Clausa misteria; Nux virge mystice Nature nescia; Aqua de silice, Columpna previa, Prolis dominice Signa sunt propera. O mira novitas Et novum gaudium, Matris integritas Post puerperium. Solem, quem libere, Dum purus oritur In aura cernere Visus non patitur, Cernat a latere Dum repercutitur, Alvus puerpere, Qua totus clauditur. O mira novitas Et novum gaudium, Matris integritas Post puerperium.