Amuri Luci Lyrics

'Nta cuntrada e Munacheddi s’addumavanu li luci
I picurari aveunu lu cielu sutta e peri
Tra li petri e 'mmezzu all'erba, finu a sutta li sdirupi, iddi danzavunu filici
’Nta 'ddi notti senza luna u scuru nni manciava i passi
E 'ddi stidduzzi cu li ali arraccamavunu sinteri
'Nta 'ddi notti senza luna, iu e me frati 'mmenzu a campi sulitari
Nni sitevumu ranni

Amuri luci
'Nta 'ddi notti senza tempu
Amuri luci
’U’nni putìa firmari cchiù lu scantu
Amuri luci
Giuvanni, isamula 'sta vuci

Supra i viali annìati ’i chioggia
A luci griggia di 'na lampa fatigata illumina l'asfaltu sutta e peri
'Nta ’sta notti longa e senza tempu
A luci vera non na pò purtari arrè lu ventu
Quanti animi vacanti ca ti venunu a truvari
A sinsazioni di sintiriti chiamari è forti
Impastatu cu lu sangu scurri 'u chiantu di to matri
E tu ricogghi strati strati ancora pezzi di to frati

Amuri luci
Pi nun dimenticari 'nzoccu semu
Amuri luci
E nun nni fa trimari mancu 'u 'nfernu
Amuri luci
Finchì n'arresta 'nfilu i vuci

Amuri luci
Pi nun dimenticari 'nzoccu semu
Amuri luci
E nun nni fa trimari mancu 'u 'nfernu
Amuri luci
Finchì n'arresta 'nfilu i vuci