Nanneddu Meu Lyrics

Artist Names Song Title Soundtrack

Browse by band : 0-9 A B C D E F G H I J K L M N O P Q R S T U V W X Y Z | ALL

Tazenda

Nanneddu Meu lyrics

Artist: Tazenda lyrics Album: Vida Year: 2007 Title: Nanneddu Meu

Correct these lyrics Print these lyrics Tweet this song

Send "Nanneddu Meu" Ringtone to your Cell
Lyrics to Nanneddu Meu :
Nanneddu meu
su mundu est gai,
a sicut erat
non torrat mai.

Semus in tempos
de tirannias,
infamidades
e carestias.

Como sos populos
cascant che cane,
gridende forte:
“Cherimus pane! “

Famidos, nois
semus pappande
pan’e castanza,
terra cun lande.

Terra ch’a fangu
torrat su poveru
senz’alimentu,
senza ricoveru.

Semus sididos
in sas funtanas,
pretende s’abba
parimus ranas.

Peus su famene
chi, forte, sonat
sa janna a tottus
e non perdonat.

Nanneddu meu
su mundu est gai,
a sicut erat
non torrat mai.

Cuddas banderas
numeru trinta,
de binu’onu,
mudad’hant tinta.

Appenas mortas
cussas banderas
non piùs s’osservant
imbreagheras.

Sos tristos corvos
a chie los lassas?
Pienos de tirrias
e malas trassas.

E gai chi tottus
faghimus gherra,
pro pagas dies
de vida in terra.

Nanneddu meu
su mundu est gai,
a sicut erat
non torrat mai.

Semus in tempos
de tirannias,
infamidades
e carestias.

Adiosu, Nanni,
tenedi contu,
faghe su surdu,
ettad’a tontu.

A tantu, l’ides,
su mund’est gai,
a sicut erat
non torrat mai.
[ Nanneddu Meu Lyrics on http://www.lyricsmania.com/ ]

Send "Nanneddu Meu" Ringtone to your Cell