Farvecatura Lyrics

All'acqua e a 'o sole fràveca
cu na cucchiara 'mmano,
pé ll'aria 'ncopp'a n'anneto,
fore a nu quinto piano

nu pede miso fauzo,
nu muvimento storto,
e fa nu vuolo 'e l'angelo:
primma c'arriva, è muorto.

Nu strillo; e po' n'accorrere:
gente e fravecature.
< riciata ancora .... E' Ruoppolo!

L'aizano e s'ò portano
Cu na carretta a mano.
Se move ancora ll'anneto
Fore d' 'o quinto piano.

E passa stu sparpetuo,
cchiù d'uno corre appresso;
e n'ato, 'ncopp'a n'anneto
canta e fatica 'o stesso.

'Nterra, na pala 'e cavece
Cummoglia 'a macchia 'e sango,
e 'e sghizze se scereano
cu 'e scarpe sporche 'e fango.

Quanno ò spitale arrivano,
'a folla è trattenuta,
e chi sape 'a disgrazia
racconta comm'è gghiuta.

E attuorno tutt' 'o popolo:
< Do quinto piano! - 'E Virgine!
< E comme, Giesucristo...? !

E po' accumpare pallido
Chillo c' 'ha accompagnato:
e, primma ca ce 'o spiano,
fa segno ca è spirato.

Cu 'o friddo dint'a ll'anema,
'a folla s'alluntana;
'e lume già s'appicciano;
'a via se fa stramano.

E à casa, po', 'e mannibbele,
muorte, poveri figlie,
mentre magnano, a tavola,
ce 'o diceno a 'e famiglie.

'E mamme 'e figlie abbracciano,
nu sposo abbraccia 'a sposa.....
E na mugliera trepida,
aspetta, e nn'arreposa.

S'appenne 'a copp'a ll'asteco;
sente 'o rilorgio: 'e nnove!
Se dice nu rusario....
E aspetta e nun se move.

L'acqua p' 'o troppo vòllere
S'è strutta 'int' 'a tiana,
'o ffuoco è fatto cènnere.
Se sente na campana.

E 'e ppiccerelle chiagneno
Pecchè vonno magnà:
< si nun vene papà?

'A porta! Tuzzuleano:
< Foss'isso? - E va 'arapì.
< Chi site? - 'O capo d'opera.
Ruoppolo abita qui?

< Gnorsì, quacche disgrazia?
Io veco tanta gente...
< Calmeteve, vestiteve...
< Madonna! < E' cosa 'e niente.

E' sciuliato 'a l'anneto
D' 'o primmo piano. Uh, Dio!
E stà ò spitale? < E' logico.
< Uh, Pascalino mio!

'E ddoie criature sbarrano
ll'uocchie senza capì;
'a mamma, disperannose,
nu lampa a se vestì;

'e chiude 'a dinto; e scenneno
Pe' grade cu 'e cerine.
Che ssà, stà e' Pellerine.

E' sciuliato 'a ll'anneto.
E via facendo st'anneto,
ca saglie chianu chiano.

D' 'o quinto piano. All'anneto.
Nu pede miso stuorto.

P' 'o schianto, senza chiagnere,
s'abbatte e perde 'e senze.
E' Dio ca vò na pausa
A tutte 'e sofferenze.

E quanno a' casa 'a portano,
trovano 'e ppiccerelle
'nterra, addurmute. E luceno
'nfaccia ddoie lagremelle.