Lied Für Zwärge Lyrics

Si isch erwachet hüt am morge
Zwüsche Riese riesegross
Wenn si öbis wot erkläre
Mues si schreie wild druflos
Gseh tüe sie si gar nid
Steit si nid tobend just dervor
Oder hackt si mitme Bieli
Nid es paar Löcher ines Ohr.

Sig emal chli lieslig und lueg dr Bode a!

D'Riese riesse grossi Löcher hie i Wald
Und boue grossi Schlösser ganz nach Riesegstalt
Doch wär, wär söll drin wohne?
Vo öich gits weni nur
Doch vo ine gits Millione
Wo chratze ade Tür.

Sig emal chli lieslig und lueg dr Bode a!
Uf vilne, chline tusig Zwärge tuesch du stah.
Dank vilne, chIine tusig Zwärge tuesch du stah.

Nid lang isches gange
Im Vergliech zur Ewigkeit
Da si d'Zwärge vor Verlange
Ganz im Stoub zerkeit.
Und D'Riese si versunke
Will d'Schwärchraft kennt kes Rächt
Weder für di zogne Gränze
No für Grössi oder Gschlächt.