Diss Naach Ess Alles Drinn Lyrics

Diss Naach Ess Alles Drinn lyrics

BAP

Rate this song:
1 2 3 4 5
No votes yet, be the first!
Diss Naach Ess Alles Drinn Video:
Lyrics to Diss Naach Ess Alles Drinn "Waarenwäsch ... Moselstrooß, beim Jet", steht he..."aushilfsweise". Klar, ein paar Mark extra wöhr janz nett. Suwiesu, op Dauer weet mer et leid, wemmer nur der janzen Daach met ner Jummilimo he ahm Büdsche steht. Jede Veedelstund ne Bus, et steich wer enn, et steich wer uss. Su'n Veedelstund ess janz schön lang un eez en Woch ens - Mann oh Mann! Dat mem Sonja ess wohl vorbei, ich hann et jo kumme sinn, sick dä Niete met dä Liehrstell, Ahnfang Mai. Ich jläuv, ihr Mutter, die Ahl ess dodrahn schuld. "Ihr Doochter künnt jet Bess'res hann", säht se. Na ja, wat soll't?! Glich kütt dä Andy mem Escort, singem blaue 69'er Ford und dann maache mer eine drop. Diss Naach hällt uns keiner op. Wat hällste vun ner Opwärm-Rund, einmohl öm de Stadt? Nä echt, dat Feeling op der linke Spur ess der Hammer. Ey, Jung, da krieje ich nit satt. Selvs et schärfste Teil em Spillsalong ess jäje sujet nix. Dä Winker drusse un et Fernleech ahn - Ruudekirche - Bocklemünd - Bayerkrüüz. Dann cool der Ring raff, op Brautschau, schön langsam, Andy, ich weiß jenau: Diss Naach, do hann mir zwei en Changs, jetzt kumm mir bloß nit, dö hätts Angs. Diss Naach, do jilt et. Diss Naach simmer widder wer. De Nord-Süd-Fahrt ropp un raff un dann de Altstadt krüzz un quer. Friedaach hammer, endlich! Moondaachmorje 's noch lang hin. Kumm, schmieß der Jang rinn, Andy, diss Naach ess alles drinn! Luhr, wie die Neonleechter uss- un ahnjonn, wa's met Kino? Stemp, zo spät. Oh nä, für Disco hann ich keine Nerv, wat dodrinn affjeht, ess mer ech zo blööd. Dat ess fass noch schlemmer wie'n Studentenkneip. Mensch, wohr dä Typ verkrampf, dä, dä uns letzte Woch bekehre wollt, dä Spezialist met singem Klassenkampf. Kumm Jung, mer driehe noch en Rund, et duhrt suwiesu nur noch en Stund, dann weet he et Trottoir huhjeklapp, die hahle mer durch, maach bloß nit schlapp
[ These are Diss Naach Ess Alles Drinn Lyrics on http://www.lyricsmania.com/ ]
Other BAP Lyrics
Comments to these lyrics
Leave a Comment
No comments to these lyrics yet, be the first!
Say you like Lyrics Mania!