Die Ballade vom Koffer (s' Liad vom Schoaß) Lyrics

I glaub i war domois so an de dreizehn Johr oid
Bin gstandn in da koidn Kircha z´Reichahoi
De Bude war gerammlt voll, mia ham grod Firmung
Ghabt
Do hob i an Koffa nei gstellt mittn in den Soi
Und olle um mi ummadum san furchtbar rot wordn
Weil jeda gmoant hot, dass da anda moan s´war er
I hob vor Kältn in de Kerzn eini bissn
Und no oan lassn, dass ma endlich wärma werd

I steh im Prüfungssaal Berufschui Berchtesgadn
Bin furchtbar aufgregt und hob ganz verschwitzte Händ
Do frogt da Prüfa vorn so a oida Bauernlackl
Ob i an Nam´n woaß vom Ministerpräsident
Ja sog i logisch und lass ´zerst an gscheidn ziang
Des moan i is doch iatz da Herr Franz Josef Strauss
I hob bis heit no net erfahrn obs richtig war
Sie san vom fünftn Stock zum Fensta naus

Z´letzt is ma a passiert, do hob i mi grog Vorgstellt
Ois Lagerist beim Fröschl am Marienblotz
I war im Chefbüro do hot da Fröschl gsogt zu mir
So wia sie ausschaun werd des nix des is doch klar
I hobn oglacht und oan lassn von dem dramts blos
Do is er gsprunga da gloa Fröschl wia a Frosch
Und wenns oan laffa segts der wo ganz grea im Gsicht is
Dann wissts des is vom Lampn-Fröschl drin da Boss

I war bestimmt nia so a Sau wordn wia is jetz bin
Aba des Schoaßn hob i vom meim Voda glernt
Is er am Freidog Abend gmiatlich auf da Couch Glegn
Host von dem Western zwengs seim pfurzn nix mehr Ghört
Der Hund hot koffat von da Fruah bis spät am Abend
Und zwar so laut, des host im Kella unt no ghört
Aba oans hob i meim Oidn no voraus
Er is zwar lauta, aba stinga dua i mehr